Breaking News

ಗೆಲುವಿನ ಹೊಸ್ತಿಲಿನಲ್ಲಿ ಬಸವರಾಜ ಹೊರಟ್ಟಿ

Spread the love

ಬೆಳಗಾವಿ: ನಗರದ ಜ್ಯೋತಿ ಕಾಲೇಜಿನಲ್ಲಿ ವಿಧಾನಪರಿಷತ್​ ಚುನಾವಣೆ ಮತ ಎಣಿಕೆ ಕಾರ್ಯ ಬಹುತೇಕ ಪೂರ್ಣಗೊಳ್ಳುತಿದ್ದು ಭಾರತೀಯ ಜನತಾ ಪಕ್ಷದ ಅಭ್ಯರ್ಥಿ ಬಸವರಾಜ ಹೊರಟ್ಟಿ ಗೆಲುವು ಖಚಿತವಾಗಿದೆ. ಬಸವರಾಜ ಹೊರಟ್ಟಿಗೆ 6499 ಮತಗಳನ್ನು ಈಗ ಪಡೆದಿದ್ದು 800 ಮತ ಪಡೆದರೆ ಗೆಲ್ಲುತ್ತಾರೆ.
ಪಶ್ಚಿಮ ಶಿಕ್ಷಕರ ಕ್ಷೇತ್ರದ ಮತಗಳಲ್ಲಿ ವ್ಯತ್ಯಾಸ ಕಂಡು ಅಧಿಕಾರಿಗಳು ದಂಗಾದರು. ಒಟ್ಟು ಚಲಾವಣೆಗೊಂಡ ಮತ ಹಾಗೂ ಮತಪೆಟ್ಟಿಗೆಯಲ್ಲಿರುವ ಮತಗಳಲ್ಲಿ ವ್ಯತ್ಯಾಸ ಕಂಡು ಬಂದಿದೆ.
ಮತಪೆಟ್ಟಿಗೆಯಲ್ಲಿ ಹೆಚ್ಚುವರಿಯಾಗಿ ಎರಡು ಮತಗಳು ಸೇರ್ಪಡೆಯಾಗಿವೆ. ಪಶ್ಚಿಮ ಶಿಕ್ಷಕರ ಕ್ಷೇತ್ರದಲ್ಲಿ ಒಟ್ಟು ಚಲಾವಣೆಗೊಂಡ ಮತಗಳ ಸಂಖ್ಯೆ 15,577 ಆಗಿದ್ದು, ಮತಪೆಟ್ಟಿಗೆಯಲ್ಲಿರುವ ಮತಗಳ ಸಂಖ್ಯೆ 15,579 ಆಗಿದೆ.ಹುಬ್ಬಳ್ಳಿಯ ರೋಟರಿ ಶಾಲೆಯ ಮತಗಟ್ಟೆಯಲ್ಲಿನ ಮತಗಳಲ್ಲಿ ವ್ಯತ್ಯಾಸ ಉಂಟಾಗಿದೆ. ಮತದಾನ ದಿನದಂದು ಅಲ್ಲಿ 757 ಮತಗಳು ದಾಖಲಾಗಿತ್ತು. 25 ಮತಗಳ ಬಂಡಲ್ ಸಿದ್ದಪಡಿಸುವಾಗ 2 ಮತಗಳು ಹೆಚ್ಚಿಗೆ ಬಂದಿವೆ. ನಾಲ್ಕು ಬಾರಿ ಮತಗಳ ಲೆಕ್ಕ ಮಾಡಿದರೂ 2 ಮತಗಳು ಹೆಚ್ಚಿಗೆ ಆಗಿವೆ. ಮತಗಳ ವ್ಯತ್ಯಾಸಕ್ಕೆ ಜೆಡಿಎಸ್ ಅಭ್ಯರ್ಥಿ ಶ್ರೀಶೈಲ್ ಗಡದಿನ್ನಿ ಆಕ್ಷೇಪ ವ್ಯಕ್ತಪಡಿಸಿದ್ದು, ಚುನಾವಣಾಧಿಕಾರಿಗಳ ವಿರುದ್ಧ ಹರಿಹಾಯ್ದರು.
ವಾಯವ್ಯ ಶಿಕ್ಷಕರ ಕ್ಷೇತ್ರದ ಮತ ಎಣಿಕೆ ವೇಳೆಯೂ ಗೊಂದಲ ಉಂಟಾಗಿದ್ದು, ಮತಪೆಟ್ಟಿಗೆಯಲ್ಲಿ ಮೂರು ಪದವೀಧರ ಮತಗಳು ಕಂಡು ಬಂದಿವೆ. ಮತಗಳ ಕ್ರೋಢೀಕರಣದ ವೇಳೆ ಮತಗಟ್ಟೆ ಸಂಖ್ಯೆ 3ರ ಶಿಕ್ಷಕರ ಕ್ಷೇತ್ರದ ಮತಪೆಟ್ಟಿಗೆಯಲ್ಲಿ ಪದವೀಧರ ಮತಗಳು ಇದ್ದವು.ಹೆಚ್ಚುವರಿ ಮತ: ಹಾಗೆಯೇ ವಾಯವ್ಯ ಶಿಕ್ಷಕರ ಮತಕ್ಷೇತ್ರದ ಬಾಗಲಕೋಟೆ ಜಿಲ್ಲೆಯ ಇಳಕಲ್ ಪಟ್ಟಣದ ಮತಗಟ್ಟೆ 101(ಎ)ರಲ್ಲಿ ಐದು ಹೆಚ್ಚುವರಿ ಮತಗಳು ಕಂಡುಬಂದಿವೆ. ಮತಪೆಟ್ಟಿಗೆಯಲ್ಲಿ 171 ಮತ ಇದ್ದು, ಹೆಚ್ಚುವರಿ ಐದು ಮತಗಳು ಬಂದಿದ್ದಕ್ಕೆ ಪಕ್ಷೇತರ ಅಭ್ಯರ್ಥಿ ಎನ್.ಬಿ. ಬನ್ನೂರು ಆಕ್ರೋಶ ವ್ಯಕ್ತಪಡಿಸಿದರು.
ನಿಪ್ಪಾಣಿ ನಗರದ ಮತಗಟ್ಟೆಯ ಮತಪೆಟ್ಟಿಗೆಯಲ್ಲೂ ವ್ಯತ್ಯಾಸ ಉಂಟಾಗಿದೆ. ನಿಪ್ಪಾಣಿಯ ಮತಗಟ್ಟೆವೊಂದರಲ್ಲಿ ಮತದಾನ ಆಗಿದ್ದು 595, ಕ್ರೋಢಿಕರಣದ ವೇಳೆ ಮತಪೆಟ್ಟಿಗೆಯಲ್ಲಿರುವ ಮತಗಳ ಸಂಖ್ಯೆ 594 ಇದೆ. ನಾಲ್ಕೈದು ಸಲ ಎಣಿಕೆ ಮಾಡಿದರೂ ಮತಪೆಟ್ಟಿಗೆಯಲ್ಲಿ ವ್ಯತ್ಯಾಸ ಕಂಡುಬಂದಿದೆ.


Spread the love

About gcsteam

    Check Also

    ಜನವಿರೋಧಿ ನೀತಿಗಳನ್ನು ಖಂಡಿಸಿ ಪ್ರತಿಭಟನೆ

    Spread the loveಧಾರವಾಡ: ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳ ಜನವಿರೋಧಿ ನೀತಿಗಳನ್ನು ಖಂಡಿಸಿ ಧಾರವಾಡ ಕಡಪಾ ಮೈದಾನದಿಂದ ಧಾರವಾಡ ಜಿಲ್ಲಾಧಿಕಾರಿ …

    Leave a Reply