ಪದೇ ಪದೇ ಹುಬ್ಬಳ್ಳಿಗೆ ಆಗಮಿಸೋ ಸಿಎಂ ಸಾಹೇಬ್ರೆ ಇತ್ತ ಗಮನಿಸಿ

ಹುಬ್ಬಳ್ಳಿ : ನನ್ನ ಪತಿಗೆ ವಿನಾಕಾರಣ ಕಿರುಕುಳ ನೀಡುತ್ತಿದ್ದು ಕಳೆದ ನಾಲ್ಕು ತಿಂಗಳಿನಿಂದ ಸಂಬಳ ನೀಡದೇ ಸತಾಯಿಸುತ್ತಿದ್ದಾರೆ ಎಂದು ಗೃಹಿಣಿ ಒಬ್ಬರು ಮಾಧ್ಯಮದವರ ಮುಂದೆ ಅಳಲು ತೋಡಿಕೊಂಡರು. ಹುಬ್ಬಳ್ಳಿಯ ಕಾರವಾರ ರಸ್ತೆ ಅರವಿಂದ ನಗರದ ಇಎಸ್ಐ ಆಸ್ಪತ್ರೆಯಲ್ಲಿ ದ್ವಿತೀಯ ದರ್ಜೆ ಸಹಾಯಕರಾಗಿ ಕಾರ್ಯ ನಿರ್ವಹಿಸುತ್ತಿರುವ ನನ್ನ ಪತಿ ಪ್ರಶಾಂತ್ ಕುಮಾರ್ ಗೆ ಹಿರಿಯ ಅಧಿಕಾರಿಗಳು ಅನಾವಶ್ಯಕವಾಗಿ ಕಿರುಕುಳ ಕೊಡುತ್ತಿದ್ದಾರೆ ಎಂದು ಶಾಂತಾ ಹೊಸಳ್ಳಿ ಆರೋಪಿಸಿದರು.

ಇಂದು ಮಾಧ್ಯಮಗೋಷ್ಠಿ ನಡೆಸಿ ಮಾತನಾಡಿದ ಅವರು, ಕಳೆದ ನಾಲ್ಕು ತಿಂಗಳಿನಿಂದ ಅನಧಿಕೃತವಾಗಿ ವೇತನ ತಡೆ ಹಿಡಿದಿದ್ದಾರೆ. ವಾರದೊಳಗೆ ಸಂಬಂಧಪಟ್ಟ ಅಧಿಕಾರಿಗಳು ವೇತನ ನೀಡದಿದ್ದರೆ ಇಎಸ್ಐ ಆಸ್ಪತ್ರೆ ಎದುರು ಕುಟುಂಬ ಸಮೇತವಾಗಿ ಪ್ರತಿಭಟನೆ ಮಾಡಲಾಗುವುದು ಎಂದು ಶಾಂತಾ ಹೊಸಳ್ಳಿ ಎಚ್ಚರಿಕೆ ನೀಡಿದರು.